Graving er ein gamal Nordisk metode for konservering av mat, metoden går ut på å behandla kjøt eller fisk med ei blanding av salt, sukker og urter/krydder slik at ein får eit smakeleg og haldbart produkt. Det ferdige produktet er rått og ein må vera obs på parasittar i kjøtet. For villfisk er det tilrådd eit døgn i frysaren først, også ein del viltkjøt og svin kan vera utsett for parasittar. Desse er vanlegvis ikkje fårlege for menneskje men gravide bør vera varsame med å eta rå fisk/rått kjøt seiest det.
Me lagar ein retteleg nydeleg gravaure av fisk frå Hardanger Fjellfisk og Apal eplebrennevin frå Hardanger Saft og Siderfabrikk i Ulvik.
Fisken har me fått inn som ferdig filet sidan me ikkje treng avskjer til fiskekraft denne gongen. Det er nydeleg fisk på 6-800 gram rund og ein fin raud kjøtfarge.
Først må me plukka beina midt i fileten med ein pinsett.
Skikkeleg putlearbeid men det må til. Deretter er det tid til å blanda ei passeleg mengde salt og sukker, måla opp rett mengde pepar og anna krydder og kutta dill så det er klart til å salta og krydra.
Sidan dette er Hardangeraure tenkte me at han ville passa bra med Apal, eplebrenneriet frå Hardanger Saft og Siderfabrikk i Ulvik, utvikla og produsert av Nils Lekve. Eple har ein tydeleg og god eplesmak så det gjeld å finna krydder som på ulike måtar passar både til den søte auresmaken og eplesmaken frå brennevinet. Me meiner me har funne vår miks, de får finna dykkar eigen:)
So vert filetane først salta, så krydra før dei vert lagde isaman med skinnsida ut, me spanderer ein dobbel Apal på kvar pakke før dei vert pakka att og lagde på kjøl eit døgn. Deretter vert dei snudde slik at begge filetane får eit døgn underst i laken. Etter to døgn er desse relativt småe filetane ferdige. Dei må så tørkast av og få «Støna» litt før dei er klar til bruk.
Og fisken vart kjempegod, kom og prøv sjølv då vel:)