Livet går sin gang på garden sjølv om mykje dreier seg om prosjektet vårt. No er det jordbærtid. I dag var første dagen vår på torget denne sesongen, på høg tid. Det er vel omlag det seinaste me har byrja nokonsinne. Bæra var gode og søte då, dei vert berre betre dess lenger det går før dei modnast.
Dei neste fire vekene vert det travel aktvitet i tunet, særleg om morgonen. I 6-7 tida kjem ein skokk med lokale ungdomar som plukkar bær. I 9 tida pakkar me i bilen og køyrer ein god km ned til torget i sentrum for å starta salget. Skikkeleg kortreist mat!
Når me opnar til neste år vil nok jordbær frå garden også verta ein fast gjest i menyen om sommaren. Jordbærkake, rørte jordbær, fruktsalat med jordbær – mange mogelegheiter, jordbær og champagne..
Det er langt fram men me gledar oss allereie.

Inntil då er de sjølvsagt hjarteleg velkomne til å handla bær på torget så lenge me har!

Kontakt oss

Tlf: (+47) 954 06 135
booking@storeringheim.no