Eldhuset

"Eldhuset" er den eldste delen av hotellet og det mest spesielle rommet, - perfekt for eit romantisk opphald. Eldhuset er opprinneleg ei gamal årestove frå 1600-talet og det som var hovudhuset på garden fram til tippoldefar, Peder Ringheim, bygde lemstovo inntil i 1860.

I årestova kjenner du det historiske suset i veggane. Her har mange generasjonar levd sine liv i glede og sorg. Rommet er no atter ei gamal stove med røykfarga veggar og tak. Eldhuset er ei stor juniorsuite med ei flott rosemåla himmelseng, peis og sittegruppe. Bak ei rosemåla dør skjuler det seg eit moderne flislagt baderom.