Jolabord, jolalunsj eller førjolssamling

Skrive av Svein | november 2024

Den koselege løo på Store Ringheim gjev på mange måtar perfekte råmer for ei vellukka jolasamling. Her sit fleire hundre år med historie i veggene, huset er pietetsfullt restaurert og teke i bruk som mellom anna restaurant, selskapslokale og konferanselokale.

Ei førjolssamling kan vera så mangt og me er fleksible, me kan nevna dei vanlegaste:

Tradisjonelt julebord

Hjå oss er tradisjonelt jolabord ein god jolamiddag med tre rettar pluss brød, smør og litt putl (apetittvekker!). I år har me gravlaksen vår til forrett, dandert på Pumpernickelbrød med creme fraiche, purre, dill og avocado. Deretter kjem pinnakjøtet vårt, laga av lokale lamb frå Larsastovo Gardsslakteri i Folkedal. Dette vert servert med poter, nepestappa, korv og gulrot, om nokon er redde for at det vert for lite kan me trøysta med at me tek ein runde med meir pinnakjøt, nepestappa osv så alle vert mette. Til sist har me laga Jolapærer – pærer kokt i lake som er krydra med allslags godt jolakrydder, servert med jolakrydra bringebærkompott og vaniljeis.

Julelunsj

Jolalunsj serverer me gjerne tidleg ettermiddag til dei som vil ha ei jolasamling av den meir uformelle sorten gjerne i slutten av arbeidsdagen eller rett etter arbeidsdagen er over. Her serverer me ein tallerken med pinnakjøt og dessert etterpå. Veldig kjekt for dei som vil markera ein slutt på året men ikkje vil ha eit stort arrangement.

Julemiddag

Jolamiddag serverer me heilt fram til nyttår for alt frå einskildpersonar (julebord for enkeltmannsforetaket) og oppover til større eller mindre grupper. Menyen er den same som for jolaborda men det er meir lågterskel med omsyn til bestillingstid og slikt men det må bestillast seinast dagen før – pinnekjøtt er ikkje fastfood.

Jolamat med kortreiste råvarer

Jolamaten vår er så langt råd er basert på ureiste og kortreiste råvarer. Pinnakjøtet og korven er laga på tradisjonelt vis basert på oppskrifter frå foreldre og besteforeldre på garden. Pinnakjøtet er sjølvsagt røykt, men ikkje for mykje, det skal ikkje smaka bål, pinnakjøtet er laga kun av ribba slik det var etter gamalt, og kjøtet er ikkje tørka men modna / speka i stabburet vårt. Me er nøygne med å tilpassa dampetida slik at det kan gå rett frå kjelen til fatet rett før kjøtet dett av beinet.

Korven har me modifisert litt ved at storfekjøtet i den er erstatta med hjort sidan det er det me har tilgjengeleg. Korv på Voss er som Chorizo i Spania, ei rustikk pylsa der ein brukar det som er tilgjengeleg i nærområdet.

Gravlaksen vår er grava på tradisjonelt vis med salt, sukker, dill, sennepsfrø (og litt gin) og er på mange måtar meir jolalaks enn røykjelaksen. Me skulle så gjerne brukt Vossolaks men må nok nøya oss me oppdrettslaks, økologisk men likavel..

Pæredesserten er laga av Harangapærer, slike dare «Du fær ikkje bere pære kar du enn fer her i vær`e « Kort sagt pærer frå hardanger og bringebær frå hagen vår.

Lokale for ulike gruppestorleikar

Me har tre lokale til rådvelde:

Flor`n er ala carte restauranten vår og ligg i rommet som var flor / fjøs før. Dette er no eit koseleg intimt lokale med peis. Det er plass til 30+ alt etter korleis ein set opp borda.

Smalflor`n er det største rommet, det er kalla opp etter Smalflor`n / sauefjøset fordi deler av rommet var brukt til det før, ellers var det kornbrot, hakkesvol og ve`hus der før restaureringa. Eit nydeleg rom med synlege tømmerkonstruksjonar og kvite vegger. Her kan det vera inntil 80 personar men er også koseleg for mindre grupper frå 10 og oppover. Rommet har prosjektor og lyd om det trengs.

Tømmerstovo er sjølvsagt eit rom med tømmervegger, det ligg i andre høgda rett innanføre inngangen. Eit svært koseleg rom med rota tak og gavlvindauga. Dette rommet har interaktiv storskjerm om det er bruk for slikt. Her er det plass til inntil 32 personar.