Hotellet på Store Ringheim
Eit fullkome opphald gir ro i sjela
For deg som søkjer det vakre, det fredfulle og det eksklusive
I den vestnorske landsbygda Voss finn du Store Ringheim Hotel – eit eksklusivt boutiquehotell omgitt av fjell, skog og levande kulturlandskap. Her ventar ei oppleving for deg som set pris på kvalitet, ro og personleg service. Frå smakfulle måltid og lune rom til velvære og natur tett på. Hos oss er kvart rom unikt, kvar detalj gjennomtenkt for å gi deg ei kjensle av luksus og kvile.
Gjesteanbefaling
"Nydeleg stad med fantastisk mat og hyggelege folk. Eg vil anbefale dette til alle som vitjar Voss. Det mest magiske er å sitje i hagen når morgondisen lettar og panoramautsikta kjem til syne!
Eit lite tips: Ikkje prøv å gå frå togstasjonen med bagasje. Det ser kanskje greitt ut på Google Maps, men det er i røynda ein 30-minutts fottur opp eit fjell."
- Albert Bozesan, Google guide
Passar hotellet for deg?
Dersom du har har ein eller fleire av fylgande interesser er Store Ringheim Hotell som skapt for deg!
Eksklusiv overnatting i historiske omgjevnader
Dei to restaurerte overnattingshusa har røter i garden si historie, der moderne komfort møter rustikk eleganse. Kvar detalj er valt med omtanke, og atmosfæren er både varm og eksklusiv – perfekt for deg som ønskjer eit opphald med særpreg, ro og kvalitet.
Gardshuset
Rustikk eleganse med røter i historia
I det sjarmerande Gardshuset bur du i eit restaurert hus frå 1800-talet, der kvar bjelke og stein ber på ei historie. Her får du ei eksklusiv oppleving med romsleg atmosfære, stilfull innreiing og fredfull utsikt over kulturlandskapet. Perfekt for deg som ønskjer noko heilt unikt – med både sjel og standard.
Reiskapshuset
Eit stykke historie med moderne komfort
Det gamle reiskapshuset er forvandla til eit eksklusivt og stemningsfullt overnattingshus med 9 rom, der det originale tømmeret møter moderne komfort. Her bur du tett på garden si historie, med lune detaljar, høg standard og ei heilt eiga atmosfære – perfekt for eit roleg opphald med særpreg.
Populære fasilitetar
Store Ringheim er klassifisert som eit 4-stjerners hotell. Her er noko av det som gjestene våre set pris på:
GÅVEKORT
Gode opplevingar skapar gode minne - og er ei perfekt gåve til alle anledningar! Kva er då betre enn eit gåvekort på ei hotellovernatting og/eller ei smaks-oppleving i Restaurant Flor'n?
Me har våre eigne fysiske gåvekort for sal i resepsjonen. Du kan og kjøpa gåvekort til bruk hjå oss via Givn eller De Historiske.
