Møter, samlingar, kurs, konferanse & workshop
Velkomen til gards til ei anna verd, eit hus med sjel, rustikke tømmervegger, fine detaljar og roleg atmosfære i tillegg til alt de treng for å gjennomføra ei god samling. Nye og uvanlege omgjevnader gjev grobotn for nye tankar, nye perspektiv. I ei roleg atmosfære tilbyr me alt som trengs forå gjennomføra ei god samling: lokale, utstyr, mat, drikke og ev. overnatting.
Ei samling på Store Ringheim handlar om å ha gode arbeidsforhold, få god service og nyta god lokal mat. Alt det andre rundt samlinga tek me oss av, slik at de kan konsentrera dykk heilt om det som de kjem hit for.
Nede i Smalaflor'n kan de vera inntil 40 personar og oppe i Tømmerstova inntil 20 personar.
e: booking@storeringheim.no • t: +47 954 06 135
Våre standard pakker
Dagpakke med lunsj
Konferanserom med interaktiv skjerm, video, lyd og høve for fjernmøte. Prosjektor, flip-over og sjølvsagt trådlaust nett.
Pausemat, kaffi, te, vatn, frukt og ein 2-rettars varm lunsj av lokale og ureiste råvarer.
Dagpakke med lunsj & middag
Konferanserom med interaktiv skjerm, video, lyd og høve for fjernmøte. Prosjektor, flip-over og sjølvsagt trådlaust nett.
Pausemat, kaffi, te, vatn, frukt, 2-rettars varm lunsj og ein 3-rettars middag laga av det beste av lokale og ureiste råvarer.
Døgnpakke, frå lunsj til lunsj
Konferanserom med interaktiv skjerm, video, lyd og høve for fjernmøte. Prosjektor, flip-over og sjølvsagt trådlaust nett.
Pausemat, kaffi, te, vatn, frukt og ein 2-rettars varm lunsj begge dagar. 3-rettars middag laga av det beste av lokale råvarer, - og overnatting med ein god heimelaga frukost.
Treng de eit lite avbrekk i økta så er det mange spanande aktivitetar i nærleiken, slik som til dømes Voss Vind og Voss Rafting. Sjå elles meir under "opplevelser" på Voss, eller spør oss om råd og tips.
Overnatting - boutiquehotel
Me har 15 unike & særprega hotellrom i vårt vesle boutiquehotell. 6 historiske rom i "Gardshuset" og 9 meir moderne rom i "Reiskapshuset". Totalt gjev dette 33 sengeplassar om de vel å dela rom.
Ynskjer alle enkeltrom og de er fleire enn 15 personar, så kan me og tilby overnatting i leiligheter i Villa Hjadlane. Der har me 2 leiligheter med 2 soverom kvar. Sjå meir informasjon under "overnatting"
Trengs det fleire rom utover dei me har, så samarbeider me med dei andre hotella i sentrum når det gjeld overnatting i samband med møter/kurs/konferanse. Me ordnar då skyss til/frå utan at dette kostar dykk noko ekstra.
e: booking@storeringheim.no • t: +47 954 06 135